1

یەکێک لە ئامانجەکانی چاپەمەنی مانگ، هەر لە یەکەم رۆژی دەستپێکەوە، پشتیوانی لەو نووسەر و وەرگێڕانە بووە کە کەمتر ئیمکانی چاپی بەرهەمەکانیان بۆ ڕەخساوە به‌تایبه‌ت له‌ ڕۆژهه‌ڵاتدا. لەبەر ئەو هۆکارانەی کە خوێنەرانی زمانی کوردی ئاگادارن، چاپی کتێب لە ڕۆژهەڵاتی کوردستان ئاستەنگی زیاتری هەبووە. یەکێک لە لەمپەرەکان نەبوونی وەشانخانەی سەردەمیانە بووە کە بتوانێت ئەم ئەرکە بەجێ بهێنێت. لە ئێستادا چاپەمەنی مانگ ئەو شانازییەی پێ بەخشراوە کە هەنگاوێکی جیددی بۆ ئەم بوارە هەڵگرێ و درێژە بە کاری هاوپیشەکانی خۆی لە کوردستان بدات. وردەکارییەکانی چاپی کتێبی ڕۆژهەڵات:
١. لە قۆناغی یەکەمدا ٣٠ بەرهەم لە ساڵی ١٣٩٥ چاپ دەکرێ (ئەم ژمارەیە بە لانیکەمی دانراوە و ئەگەر بڕەخسێت دەکرێ کتێبی زیاتریش خۆیان لە پڕۆژەکەدا ببیننەوە).
٢. کتێبەکان بۆ سێ بەشی چیرۆک و رۆمان، شێعر، و زانستی مرۆیی دابەش کراون.
۳٫ کتێبەکان نابێ پێشتر چاپ کرابن.
۴٫ لەگەڵ هەموو خاوەن بەرهەمەکان گرێبەستی ڕەسمی واژۆ دەکرێ و مافی کۆپی ڕایتیان دەپارێزرێت.
۵٫ داوا لە نووسەران و وەرگێڕانی بەشی زانستی مرۆیی دەکەین کە نووسراوەکانی خۆیانمان لە ڕێی پەیجی مانگ لە فەیسبوک یان لە ڕێی بەشی پێوەندی ماڵپەڕی مانگەوە بۆ بنێرن.

بە هیوای گەشەی ڕۆژ لە دوای ڕۆژی کتێبی کوردی
چاپەمەنی مانگ/ خاکەلێوەی ۹۵ (۲۰۱۶)

هیچ سەرنجێک نییە

دەتوانی یەکەم کامێنت دابنییت.

سەرنجێک بنووسە

تکایە ناوت بنووسە. تکایە ناونیشانی ئیمەیل بنووسە. تکایە پەیامێک بنووسە.