شایەدیش ئەو چەند ڕۆژە سوکنایی پێش دەست پێکردنی تۆفان بوو، ئەو کاتەی کە هەموو شتێک ئارامە و تەنانەت سریوەیەکیش نایە، بەڵام لەپڕتاو، باهۆزێکی کارەسات‌خوڵقێن هەڵدەکات و خۆی بۆ ناگری و تێکت دەشکێنێ، کاتێکیش بە ئاگا دێیتەوە، دەبینی قاچت بەحەواوەیە و سەریشت لە ناو ئەو لیتاوەدا گیری خواردوە کە تۆفان پاش خۆی بەجێی هێشتوە و، ئیتر دەرفەتی هەناسەدانیشت نییە. لەو ڕۆژی ئاخرەدا باهۆزەکە هەڵیکرد....!