چل ڕۆژ دوای کۆچی دوایی باوکی پایەبەرزم، خزم و کەس لە دایکم ئاڵان کە دەبێت ئازیەتی باوکم بشکێنێت. دایکم خەنەی لەگەڵ توێکڵی هەناری هاڕاوە تێکەڵ کرد و داوای لە من کرد کە بیساومە قژی. منیش بۆ شکاندنی ئەو ئازیەتییە لەچکەیەکی گوڵ وەنەوشەییم بۆ کڕی. دەستم لە ناو خەنەکەدا بوو کە دایکم هەناسەیەکی قووڵی هەڵکێشا. چاوەڕێم کرد کە هەناسەکە بداتەوە دەر ئەوجا من خەنەکە لە سەری بسووم. هەناسەی نەدایەوە دەر. تۆزێکی تر چاوەڕێم کرد. دایکم بەلاداهات. دایکم ئەو بەلاداهاتنەی کە بەلاداهات ئیتر هەڵنەستایەوە.
(به‌شێک له‌ ده‌قی چیرۆکێک)