نەموێرا چیتر لەمەڕ جاڵجاڵۆکە و خووى سەیرى بچمە ناو وردەکارییەکانى ئەو زیندەوەرە سەیرە کە لە کتێبە پیرۆزەکان و ئەفسانەکاندا ناوى هاتووە، کە دیم تەواو پەست و تووڕەیە و گیانى دەلەرزێ، مات و بێدەنگ بووم، بە غەمێکەوە لە مانگ ڕامام، ئەو نیازەم فەرامۆش کرد کە لە ئێوارەوە خۆم بۆ ساز دابوو، بوو بە تەمێک و ڕەوییەوە، بێهوودە بوو ڕیش تاشین، خۆ خنکاندن لەژێر بۆندا، ئەو بۆنەى «پاکیز» خۆشى لێ ‌دەهات، ئەو هەموو غەزەل و مەرایییەى سەر لە ئێوارە.. هەر هەمووى چیرۆکى جاڵجاڵۆکە تێکی دا…
(به‌شێک له‌ ده‌قی کتێبەکە)