دیوانی شێعر - موفتی پێنجوێنی
نووسەر
موفتی پێنجوێنی
ISBN
۹۷۸-۶۰۰-۸۹۱۲-۲۴-۸
ژمارەی لاپەڕە
۲۳۷
چاپ
یەکەم
بابەت
شێعری کلاسیکی کوردی
ساڵی چاپ
۱۳۹۶ (۲۰۱۸)
نرخ بە تمەن
۲۵,۰۰۰ تمەن
نرخ بە دینار
۵,۵۰۰ دینار
موفتی پێنجوێنی نازناوی «مه‌لا عه‌بدوڵڵای‌ تووتنچی»یه‌ که‌ ‌له ‌ساڵی‌ ١٨٨١ له پێنجوێن لە‌ دایك بووه‌. بە هۆی شێعرە نیشتمانی و نەتەوەیی و کۆمەڵایەتییەکانییەوە زیاتر ناسراوە. یه‌كێكه‌ له‌و كه‌سایه‌تیانه‌یه‌ که‌‌ خه‌ڵكی بۆ ناردنی‌ منداڵەکانیان به ‌تایبه‌تی‌ كچان، بۆ فێرگه هان‌ داوه‌. فێرگە، مافی ژن، بژیو په‌یدا کردن بە ڕەنجی شان، گرینگی زانست و پیشه‌سازی، دەمامک داماڵین لە ڕوخساری ڕیاکاران، پەردە هەڵدانەوە لەسەر ئاکاری دزێوی شێخ و مەلا و حاجییەکانی ئەو سه‌رده‌م، بەرەوڕوو بوونەوە لەگەڵ گەلێک چەمک و باوەڕی خورافی ئایینی و هەروەها پەرەپێدانی نیشتمانپەروەری و وڵاتپارێزی و خەڵك و خوداویستی ڕاسته‌قینه‌، سەرناوی ئەو بابەتانەن کە موفتی لەسەریان وه‌ستاوه‌ته‌وه‌. بۆ ورووژاندنی ئەم بابه‌تانەش زیاتر لە سێ قاڵبی غەزەل و مەسنەوی و چوارینه‌ کەڵکی وەرگرتووە. زمانی شێعرەکانی سادە و خۆش و خۆماڵین بە چەشنێک کە خەڵکی ئاسایی بە ئاسانی لێی تێدەگەن و ئەوەش دەگەڕێتەوە سەر ڕێباز و هەڵوێستی ڕووناکبیرانەی موفتی لەمەڕ کۆمەڵگاوە.
ئەم مامۆستا گەورە و پایەبەرزەی ڕێگای مرۆڤدۆستی و ڕۆشنگەری لە ١٥ حوزەیرانی ساڵی ١٩٥٢ لە پێنجوێن کۆچی دوایی دەکات و هەر لەو شارە لە گۆڕستانی حاجی شێخ بە خاک دەسپێردرێت.
بۆچوونەکان (۰ بۆچوون) :
ئێوەش بۆچوونی خۆتان بنووسن!