تێمی سەرەکیی ئەم چیرۆکانە، مەنفایە؛ مەنفا و شوێن، مەنفا و ئەوانەش کە مەنفا کراون یان لە مەنفادا دەژین. ئەم خەسڵەتە بە سەر کامۆ خۆیشیدا پەیڕەو دەبێ، بە یەکێ لە خەسڵەتە هەرە سەرەکییەکانی فەلسەفە و جیهانبینیی ئەلبێر کامۆ لە قەڵەم دەدرێ، بەو مانایەی ئینسان خۆی لە سەر گۆی زەوی لە مەنفادا دەژیێ، ئینسان خۆی فڕێ دراوەتە سەر زەوی، لەو ڕۆژەوەی مرۆڤ ئەقڵی بە کار دەهێنێ و چاوی کردووەتەوە خۆی لە مەنفا و لە ناو جوگرافیایەکی مەنفایی و تاراوگەییدا دۆزیوەتەوە.
(به‌شێک له‌ پێشه‌کی وه‌رگێڕ)